Қармақшы ауданы, ІІІ Интернационал ауылдық округінде «Көш керуен» акциясы аясында кешенді іс-шаралар өтті. Облыстық Қазақсан Халқы ассамблеясының қолдауымен өткен игі бастама «Таза Қазақстан - таза аймақ» экологиялық акциясына қолдау білдіріп, 100-ге жуық көшет отырғызуғымен бастау алды.

Сыр еліне жұмыс сапарымен келген Жапонияның Қазақстан Республикасындағы Төтенше және Өкілетті Елшісі Джун Ямада бастаған делегация өкілдері бүгін «Анаға тағзым» орталығында болды. Мәртебелі меймандар ғимараттағы экспозициялық кешен, «Мирас» әжелер клубы, «Ұлт жақұты» музейлік залдарын тамашалап, халқымыздың тұрмыс-тіршілігі, салт-дәстүрі мен мәдениетіне қатысты мәліметтерге қанықты.

Бүгін «Таза Қазақстан» республикалық экологиялық акциясының «Киелі мекен» апталығы аясында орталық қызметкерлері Жалаңтөс Баһадүр және Мұхтар Әуезов ескерткіштерінің маңайын абаттандырды. Қоршаған ортаға қамқорлық жасап, өскелең ұрпаққа өнегелі істі насихаттауға бағытталған шараға еңбек ардагерлері мен аймақ жастары өз үлесін қосты.

Ғылым қызметкерлерінің күні дәл осы датаға бекітілгені жай сәйкестік емес. Бүгін – Ғылым академиясының тұңғыш Президенті, көрнекті ғалым-геолог Қаныш Сәтбаевтың туған күні. Сондықтан, қазақтан шыққан тұңғыш академиктің құрметіне бұл күні ғалымдар мен ғылыми қызметкерлер мерекесі атап өтіледі.

Мұсылмандардың ұлық мерекесінде айттық сұраудың мәнісі неде? Айттықты кімдер сұрайды? «Анаға тағзым» орталығының қызметкерлері қысқаша қойылым арқылы осы сұрақтарға жауап беруге тырысты. Бейнеконтент пайдалы болады деп сенеміз!

Қыз-келіншектердің рухани дамуы, уақыт талабына сай білім алуы, әсіресе, қаржылық сауатты болуы аса маңызды. Себебі, өз бюджетін жоспарлап, кіріс-шығыстарын есептеп үйренген адам ретсіз несиеге ұрынбасы анық.