Бүгін «Анаға тағзым» орталығы мен облыстық кәсіпкерлер палатасы арасында ынтымақтастық туралы меморандумға қол қойылды. Маңызды құжаттың басты мақсаты – өңірдегі креативті индустрия саласын дамытуға үлес қосу, бірлесе күш салу.

Ән – ғұмыр. Көрерменді ұлы поэзияның сырлы да сиқырлы әлеміне жетелеп, тарихы бар тағдырлы әндермен сусындатқан әдеби-сазды кеш осылай аталды.

Бүгін орталық базасында «Гүлдей нәзік, болаттай берік» облыстық жұмысшы арулар фестивалін қорытындылауға арналған мерекелік жиын өтті.

Татулық пен сүйіспеншілікті ту етіп, қоғамда берік отбасының іргесін қалаған жұптарды өнегелеуге бағытталған кезекті шара – «TOYLA! ҒAMILY FEST» отбасылық рухани-мерекелік кеші.

Форумда Сыр өңіріндегі креативті индустрия саласының дамуы мен жұмыс бағыты, креативті кәсіпкерлерді қолдау мақсатында іске асып жатқан жобалар, алдағы жоспарлар талқыланды. Шараға ҚР Мәдениет және ақпарат министрлігі Креативті индустриялар департаментінің басшысы Гүлісхан Нахбаева және Түркістан, Тараз, Алматы қалаларынан делегаттар арнайы қатысты.

«Өмір иірімдері» тұмары – «Анаға тағзым» орталығының алғашқы төл туындысы. Тәуелсіздігіміз тұғырлы болып, әрбір үйде тоқшылық, молшылық болсын деген ізгі ниетпен тұмардың өрнектері бидай пішінді, өте берік, қалың кендір жіптен екі тіндеп тоқылған. Төменгі тұсында бес моншақпен жалғасатын күміс қоңыраулы төрт шашақ бар. Бұл – әр шаңырақтың төрт құбыласы тең, жұлдызы жарық, бағы бес елі болсын деген аналардың ақ тілеуінен туған эксклюзивті әрі креативті бренд бұйым.