Белгілі сазгер Әбілахат Еспаевтың 100 жылдығы, Қазақ вальсінің королі, көрнекті композитор Шәмші Қалдаяқовтың 95 жылдығына орай ұйымдастырылған шарада Сыр сазгерлерінің әуезді әндері жанды дауыста шырқалып, әр туындының шығу тарихы баяндалды. Сөзі мен әуені сәтті үйлесіп, тыңдарманға күні бүгінге дейін ерекше әсер сыйлайтын кез келген өміршең, ескі әрі есті әннің артында авторға ой салып, шабытына арқау болған оқиға жатқаны жеткізілді.
Әдеби-сазды кеште көпшілікке жан азығын сыйлаған жақсы әндермен қатар, сөз өнерінің киесін ұғындырып, сезім қылын шерткен поэзия оқылды. Өмірдің мәнін, адамның жанын, ішкі сырын сөзбен суреттеген шығармашалар – өрнекті тіл, терең маңына, әуезділігімен биік.
Расымен, өлең – өмір, ән – ғұмыр. Мәңгілік өнердің бұл саф түрлері – бір дәуірдің шежіресі, адамның, ішкі сезімнің айнасы, өмірдің өзі. Әдемі нотада өткен әдеби-сазды кештен көзі қарақты көрермен рухани демалып, бір серпіліп қалды.
.png)