Қонақтарымыз орталық тынысымен танысып, тәжірибе алмасты. 
 «Береке» аспаздық студиясында әр өңірдің ерекшелігіне сай бренд астарын пісірудің әдіс-тәсілдері көрсетілді.
 "Мирас" әжелер клубын әжелер ансамблі әсем әнге бөлеп, қолөнерші аналардың шеберлік сағаттары өткізілді.
 «Жас Отау» жас отбасылар клубында «Әйел - ана, шаңырақтың шырағы» тақырыбында семинар-тренингтер мен парасаттылық дәрістері жүргізілді.
«Бойтұмар» қыздар клубында кәсіпкер, қолөнерші, коуч қыз-келіншектер мен аналар түрлі бағыттарда шеберлік сағатын өткізді. 
 "Психолог-медиатор" кабинетінде «Әйел әлемі» атты тренинг аясында психолог мамандар өзара тәжірибе алмасты. 
 "Шамшырақ" фото-бейне студиясында зейнеткер, еңбекші аналарымыз  "Бір шәугім шай" бағдарламасына сұхбат берді.
 «Соworking» кабинетінде бала тәрбиесінде ертегі айту мен кітап оқудың маңыздылығын насихаттайтын іс-шаралар ұйымдастырылды. 
 Креативті индустрия орталығында әр ауданның қолөнер шеберлері мен кәсіпкер қыз-келіншектердің қолынан шыққан түрлі бұйымдардан көрме-жәрмеңке арқылы бұйымдарын жұртшылыққа ұсынды.